TATOU E TAU O TALITONU KIA IESU KELISO

/, Salvation/TATOU E TAU O TALITONU KIA IESU KELISO

TATOU E TAU O TALITONU KIA IESU KELISO

 

 

View as PDF

 

MATA E ILOA TONU NE KOE ME KAFAI E MATE KOE ITE ASO NEI A KOE E FANO
KITE LAGI IO KO MAUA NE KOE TE OLA ESE GATAMAI?

< E fai mai te tusi tapu e tau mo koe o iloa tonu mote patonu me ia koe e fanatu tou ala kite lagi. Me ko maua ne koe ate ola ese gatamai. Kae kau fakatasi atu mote Atua.>
Ko muna tonu konei e faa e tau ke iloa ne koe.
1. TATOU NE TINO AGASALA KATOA.
Loma 3:10 e fai mai, e seai loa se tino e amiotonu, e seai se tasi.
Loma 3:23 e fai mai, ko mao tatou mai ite malu ote Atua, me ko agasala a tino katoa.
A tatou ne tino agasala katoa, seai loa se tino ia tatou e lei io me amiotonu pela mote Atua Tapu. Tatou
ne tino masei katoa mai i tena tulaga malu kae tapu, me se tulaga e maa katoatoa. Me ne oko kifea te
tou amiotonu mo galuega lei e uke ne fai ne tatou e se taitai loa mo tatou o pili atu kite malu ote Atua. E
seai loa se tino agasala e lei. Muna ate Tusi Tapu tatou katoa ne fanau mai ite agsala.
Salamo 51:5 e fai mai, kiloke au se tino amio masei, kae ne agasala foki au mai taku fanaumaiga ne toku
matua.
Ne ofa foki ne tatou takitokotasi te tulafono ate Atua. (Ioane 3:4). Kae kote agasala fua e tasi ko
fakamao neia tatou keatea mai ite Atua.
Iakopo 2:10 e fai mai, me kooi foki e tausi neia te katoaga ote tulafono kae mai i ei ko taia a ia i se mea e
tasi, ko agasala a ia ite tulafono katoa.
Ko manatu ake koe pela ia koe e kese me ia koe e se to masei katoa, kae fai mai…………
Failauga 7:20 e fai mai, e seai se tagata ite lalolagi nei e fai neia te meatonu kae se agasala.
E se tokouke a tino e fai ia latou e seai ne tino agasala, ko nai tino fua, mafai e isi, kooi kafai mai me se
talitonu kite fai ote meatonu. A tino e talitonu kite fai ote meatonu. E se manako fua manafai ko
fakaaoga kia latou. Penei mote ata fakatusa, kafai se tino e tele pakini mai ite auala lasi kae kati neia
tatou mai i tena pakini, tatou se fia saga kiei manafai ko poa. Ko fakaofoofogina ki la, mafai tatou e tele
pakini kae kati ne tatou te sua tino, e fakamoemoe sale tatou ke se maua tatou. Tatou e talitonu ite fai
ote meatonu, e se manako fua tatou ki ei mafai ko fakaaoga kia tatou ite tino i a ia. Mene pefea, me loto
tatou kiei io me ikai, e tau loa mo tatou o fai ate meatonu ate Atua.
A tatou ne tino agasala katoa ako te……..
2. KO MAUA NE TATOU ATE TOGI MO AGASALA.
Te togi ote agasala kote mate.
Loma 6:23 e fai mai, me ite togi ote agasala kote mate.
Loma 5:12 e fai mai, tena la mai ite tagata e tokotasi ne oko mai i ei te agasala kite lalolagi. Kae mai luga
ite agasala kote mate; ako te mate ko fano i tino katoa, me i tino katoa ko agasala.
Te lasiga o tatou e mafaufau mua kite mate faka‐te‐foitino. E tonu ona la kote agasala ko mate katoa ei
tatou faka‐te‐foitino.
Epelu 9:27 e fai mai, kae ne fakasino te mea tenei mo tino katoa, me mai tua ote mate kote
fakamasinoga.
Ate MATE FAKA‐TE‐ FOITINO ko vae katea neia ate ola mote agaaga mai tou foitino. Kae isi aka foki te
sua vaega ote mate tela e silia atu mai ite mate faka‐te‐foitino, tela kote MATE FAKA‐TE‐AGAAGA. Kote
mate faka‐te‐agaaga tela e mua atu kite mate faka‐te‐foitino. Te mate faka‐te‐agaaga ko vae neia te
tagata mai ite Atua. Ite taimi ne agasala a Atamu mo Eva ite fatoaga o Etena, ikona loa ne mate laua
faka‐te‐agaaga. (Kenese 2:17)
Efeso 2:1 e fai mai, a tatou e mate itou amioga masei mo tou agasala.
Esekielu 18:4 e fai mai, ate ola ote tino tela e agasala, ka mate fua.
Te mate faka‐te‐agaaga e mua atu kite mate faka‐te‐foitino (Kenese 3:19) Te taimi e mate ei tatou fakate‐
foitino, tatou koi mavae loa keatea mai ite Atua ona ko tou agasala. Tenei te mate ese gatamai. Te
mate ese gatamai kote mavaega ese gatamai tena mai ite Atua ki tugamau. Te tugamau kote koga tela e
vae ei te tagata mai ite alofa ese gatamai ote Atua. Ona a ia kote Atua ese gatamai kae alofa, te mavae
keatea mai i a ia kote gataaga tena mote fakamataku. (afi, fatu kala, mote tigaina) [Luka 16].
Fakasiga 20:14b,15 e fai mai, “ Tenei kote mate fakalua. Kae kooi foki ese maua tona igoa ite tusi ote ola
e pei kiloto ite lase ka ulaula.
Mataio 25:41,46b e fai mai, tena ne fai atu foki ei a ia kia latou mai tona feitu lima fakamaui, olo keatea
mai i au, koutou ne tino malaia, olo kite afi tela ese gatamai tela ne fakatoka mo tiapolo mo ana agelu.
Ne olo atu latou keatea kite fakasalaga ese gatamai.
E se mafai ne tatou o ave keatea a tou agasala. E se ko tuu mo talitonuga io me ko galuega e uke ne fai
ne tatou ke mafai o fakama iei tatou mai tou agasala.
Ite loto ote Atua mo tena fuafuaga, a tou agasala e mafai o ave keatea e sui atu ite mate mote taulaga
maligi o Iesu Keliso. (Epelu 10:10) Ona la e seai se tagata ke seai sena agasala.
3. IESU NE MATE MO TATOU.
Ona la e seai se tagata e tonu katoatoa, kae kote Atua fua e tonu katoakatoa, tena la kote Atua fua e
maua neia o togi a tou sala. Me ite Atua e alofa kia tatou, ne vau faka‐te‐tagata a ia ke togi ne ia a sala
mai tou agasala.
Loma 5:8 e fai mai, ka kote Atua ne fakaasi mai kia tatou a tona alofa, ite taimi koi fai ei tatou mo tino
agasala, ne mate a Keliso mo tatou. 2 Kolinito 5:21 e fai mai, mene fai nete Atua a Iesu ke agasala mo
tatou, tela e seai sena agasala; kote mea ke maua ne tatou te amiotonu ate Atua mai i a ia.
Kote Aliki Iesu Keliso ne fai ne ia a mea katoa ke oti ke fakaolagina ei tatou. E seai loa se mea ke mafai o
fai ne tatou ke fakasao ei tatou, io me fakaolagina tatou.
Loma 3:20 e fai mai, mai luga i galuega ote tulafono, e seai se tino e takuamiotonu i tena kilooga, me ite
tulafono kote fakaasi mai neia te agasala. Tito 3:5 e fai mai, e se mai galuega lei kola ne fai ne tatou, ka
ko tona alofa nau ko fakaolagina ei tatou.
A Keliso kote katoaga mo tou fakaolataga. Ko tou Talitonu kiei io me talitonu koe kiau galuega ne
faopoopo atu kite mea ne fai neia, tela ko fakaseaoga i ei ate mea ne fai ne Keliso.
Kalatia 5:2‐4 e fai mai, ko se aoga a Keliso ia koutou ….. a Keliso kote kaitalafu kite tulafono katoa. A ia
kose mafai o maua iloto ia koutou, me kooi aka foki i a koutou e takuamiotonu iluga ite tulafono; a
koutou ko to keatea mai ite alofa tauanoa. Loma 11:6 “kae kafai kote alofa tauanoa, tena i ei e se ko
galuega, me ite alofa tauanoa e mafai fua o seai. Ako te mea kafai ko galuega tena i ei e se kote alofa
tauanoa, me ite galuega e mafai fua o seai. Efeso 2:8,9 e fai mai, me mai ite alofa tauanoa ka fakaolagina
ei koutou mai luga ite fakatuanaki; kae e se mai ia koutou ate mea tena: kote mealofa ate Atua: e se ko
galuega, mo sose tagata ke fakamatamata kiei.
Tenei loa te tali kite mea ne fai nete Aliki Iesu Keliso mo tatou ke fakaolagina ei tatou mai ite agasala
mote mate ese gatamai, kote…..
4. TATOU E TAU O TALITONU KIA IESU KELISO.
Te tokoukega o tino e fai ia latou e talitonu ia Iesu Keliso, ako te mea e pela mese malamalama latou me
sea te uiga “ke talitonu,” io me se malamalama me kooi a Iesu Keliso. E iloa ne tatou me ite talitonu kia
Iesu Keliso kote auala e tasi loa tena e fakaolagina ei tatou mai ite agasala mote mate. Konei a nisi tusi
mai iloto i tena muna. (Ioane 3:16,18; Galuega 16:31; Ioane 1:12; 1 Ioane 5:11,12)
Ioane 3:36 e fai mai, ate tagata tela e talitonu kite tama ko i a ia te ola ese gatamai: ako te tagata tela
ese talitonu kite tama ka se matea neia ola, ako te kaitaua ote Atua ko iluga i a ia.
Sea te uiga ke talitonu kia Iesu Keliso?
Ate Aliki Iesu Keliso ne faipati fakalua ite tusi o Luka 13:3,5, au e fai atu kia koutou……… vagana ke
salamo koutou me ia koutou ka mate katoa. Mea nei kote vaega ote talitonu tela kote salamo. Kote
salamo kote fuli tena. Kote fuli mai tou agasala, mo tou auala, mote pulepulega ki tou olaga. Luka 9:24
Me kooi aka foki e manako o fakasao tena ola ese maua neia, me kooi aka foki e fakamaumau tena ola
ona koau, e pena foki o fakaola neau a ia. Ke olo tatou keatea mai ite olaga ne nofo tatou mai i ei ako te
Aliki Iesu Keliso ke ulu mai ki loto ia tatou. (A ia kote pule omea katoa)
Loma 10:9,10 e fai mai, me kafai e fakatoese atu koe mo tou gutu kite Aliki Iesu, kae talitonu itou loto
me ite Atua ne fakatu mai neia Iesu mai ite mate, a koe ko fakaolagina. Me mai ite loto ote tagata
talitonu e taku amiotonugina ei a ia, kae mote fakatoesega ote gutu e fai ei mo fakaolataga.
E se fai fua pela ia Iesu kote Aliki tela ne fakaola neia tatou, ako te tonuga ne maua ne tatou a ia me kooi
a ia. E penei foki tena uiga “kalaga kia ia ke fakaola mai tatou.”
A Loma 10:13 e fai mai, me kooi aka foki e kalaga kiluga ite igoa ote Aliki ko fakaolagina a ia.
Kafai e tautau koe ite lopu mai ite koga maluga ote mauga, ko toka fua koe o to ki lalo ki tou mate, kae
isi la se tino mai luga ote mauga tela e mafai o fakasao neia koe, sea te mea kafai ne koe? Ao, akoe e
kalaga mose fesoasoani. E tau mo koe o kalaga atu kite Aliki Iesu Keliso ke fakaolagina neia koe mai ite
agasala mote mate, kae ka fakaolagina neia koe.
1st, Fakaasi atu kite Atua ia koe se tagata agasala.
2nd, Fakaasi atu kite Atua me ia koe e tau o nofo ite afi ese gatamai mo au agasala.
3rd, Ke iloa ne koe ia Iesu Keliso ne mate mo au agasala kae koia fua e mafai o fakaolagina neia koe.
4th, Ke maua ne koe te Aliki Iesu Keliso. Ke maua ne koe a ia me ia i a ia kote Atua (Ioane 1:1), me i a ia
kote Aliki, (Ioane 20:28), mote Fakaola (Mataio 1:21). A ia e manako o fakaola koe mai ite agasala mote
mate. A ia e manako o tuku atu ate ola ese gatamai.

By | 2017-03-24T14:32:24+00:00 April 27th, 2015|Foreign Languages, Salvation|

About the Author:

Thomas Ross